Fulani herdsmen don kill 45 people again for Taraba, kilode?

 We don hear am again o! Them don kill at least 45 people and them still come displace over 100 people for Taraba state. The senior special assistant to Taraba state Governor on media and publicity, Sylvanus Giwa confirm am for one statement say 20 people na him them kill for Angai Village, 9 for Maisuma and Dorei Villages, as if say na good thing, them  come top am with 7 more at Fali village.
   For the statement, the fulani herdsmen carry attack enter the community because say the villagers no gree make them rape one lady. 


The Commissioner of Police in Taraba State, Shaba Alkali tell journalists say the Inspector General of Police, Solomon Arase don order make them deploy 60 policemen from Yola go assist the officers wey dey ground say make them control the situation. He talk say the force don arrest one Ardo Ayuba in relation to the attacks. Nna men, na wa for this we country o!