Na on friday wey the Ebute Meta Chief Magistrates' court remand 6 men wey them accuse say them kidnap 3 girls from Babington Macaulay Junior Seminary College for ikorodu, Lagos. Na Chief Magistrate, O.I.Adelaja talk say the accused go remain for ikoyi prisons till the advice of the Director of Public Prosecutions go show. She come adjourn the case go April 25. The 6 men wey them carry go court na Emmanuel Arigidi, 37; Gift Pius, 30; Fred Omoni, 32; Geofrey Owei, 28; Seun Akanji, 33; and Segun James, 29, them dey face 5-count charge wey be conspiracy, kidnap, armed with offensive weapons and robbery.
As the thing dey go, them accuse one of those 6 men, Arigidi, say him don commit other crimes o. Them say him don rob some banks for that ikorodu and another bank wey dey Admiralty way for Lekki.
No comments:
Post a Comment